HDO inilabas vs Masbate ex-solon, 31 pa (Plunder sa pork barrel)

NAGPALABAS na ng hold departure order (HDO) ang fourth division ng Sandiganbayan laban kay dating Masbate Rep. Rizalina Seachon-Lañete.

Si Lañete ay nahaharap sa kasong plunder at 11 counts ng kasong graft dahil sa pork barrel scam.

Sa kaso ni Lañete, P112 million ng pork barrel niya ang involved na halaga at P108 million ang sinasabing kickback ng dating mambabatas.

Sakop ng HDO na ito ang 31 iba pa na co-accused ni Lañete kasama ang kanyang chief of staff na si Jose Sumalpong, gayon din si Janet Lim-Napoles, mga opisyal ng DBM at iba pang mga opisyal ng gobyerno at pribadong indibidwal.

Nangangahulugan ito na hindi maaaring lumabas ng bansa ang mga akusado sa pork barrel cases.