HATAW! D'yaryo ng Bayan hatawtabloid.com
MAGSISIMULA na bukas ang best-of-three semifinals ng PBA D League Aspirants Cup sa Ynares Sports Arena sa Lungsod Pasig.
Unang maghaharap sa alas-dos ng hapon ang Hapee Toothpaste at Cafe France samantalang magsasalpukan ang Cagayan Valley at Cebuana Lhuillier sa alas-kuwatro.
Tinalo ng Bakers ang Bread Story-Lyceum, 81-68 samantalang binura ng Gems ang twice-to-beat na bentahe ng Jumbo Plastic upang maiposte ang 85-81 na panalo sa quarterfinals noong Lunes.
Naunang nakapasok ang Rising Suns at Fresh Fighters sa semis pagkatapos na silang dalawa ang manguna sa eliminations.
Katunayan, winalis ng Cagayan ang lahat ng 11 nitong laro sa elims sa pangunguna nina Moala Tautuaa at Abel Galliguez.
Samantala, sinabi ng head coach ng Bread Story na si Bonnie Tan na hindi na magiging school-based team ang Smashing Bakers simula sa susunod na torneo ng D League. (James Ty III)
