Trike driver, sekyu tepok sa ratrat

PATAY ang tricyle driver at security guard habang sugatan ang isang kahera ng hotel makaraan pagbabarilin ng hindi nakilalang lalaki sa Tondo, Maynila kahapon ng madaling-araw.

Ayon sa ulat, binaril ng suspek sa loob ng kanyang tricycle habang natututulog ang biktimang si Fernando Gloria Ong, 52, sa Plaza Mariones, Tondo.

Pagkaraan ay binaril din ng suspek si Justino Garrido, 39, security guard ng Hawk Security Agency, residente ng 1640 JCR Building, Mayhaligue St., Sta. Cruz, Maynila makaraan masaksihan ang pagpatay ng salarin kay Ong.

Kasunod nito ay pumasok ang suspek sa Pinoy Lodge sa 545 Moriones St., Tondo at binaril si Marieta Padilla, 45, kahera bago mabilis na tumakas.

Patuloy na iniimbestigahan ang insidente.

Leonard Basilio