Samboy bumubuti ang kalagayan

INAMIN ng misis ni Samboy Lim na si Lelen Berberabe na masasabing milagro ang paggaling ng kanyang asawang dating PBA superstar.

Sa panayam ng programang Bandila sa ABS-CBN noong Martes ng gabi, kinompirma ni Berberabe na nagre-react ngayon si Lim sa mga “stimuli” tulad ng kaunting pagsasalita at pagkanta ng mga paborito niyang awitin.

“Natutuwa kami kasi mayroon siyang naalala at nasasabi niya. Hindi pa lang namin nate-test kung may boses siya,” wika ni Berberabe. “Even our doctors say that it’s a miracle. Sam is now undergoing physical therapy.”

Nagpapahinga ngayon si Lim sa kanyang bahay pagkatapos na na-discharge siya mula sa Medical City sa Ortigas kung saan doon siya na-confine dulot ng kanyang pagkahimatay sa isang tune-up na laro sa Ynares Sports Arena sa Pasig noong Nobyembre. (James Ty III)