Pnoy mahina sa diskarte – FVR (Sa Mamasapano clash)

TINAWAG ni dating Pangulong Fidel Ramos na mahina ang diskarte ni Pangulong Benigno Aquino III bilang commander in chief, sa naganap na pagpatay sa 44 miyembro ng Special Action Forces ng PNP sa Mamasapano, Maguindanao.

Ayon kay Ramos, masyadong nagtiwala ang pamahalaan, peace negotiators at field commanders sa Moro Islamic Liberation Front na kayang mapanatili ang usaping pangkapayapaan.

Pinuna rin niya ang kakulangan sa sinsiredad ng MILF para itaguyod ang kapayapaan.