HATAW! D'yaryo ng Bayan hatawtabloid.com
Walang hirap na nilusutan ni Engr. Sonny Lagon ang huling araw ng eliminasyon sa 2015 World Slasher Cup sa Smart Araneta Coliseum. Nagtagumpay siya sa lahat ng apat na laban sa pamamagitan ng kanyang mga entry na BlueBlade RJM-1 at BlueBlade RJM-3 na nagpakawala ng kanyang mga sikat na sweater crosses, Machine Kelsos at ang malalakas n Joe Good Greys.
Determinado naman si Gov. Eddie Bong Plaza na depensahan ang kanyang titulo bilang World Slasher champion. Kaya naman siniguro niyang pasok pa ang dalawang entry sa kanyang listahan ng 2-pointers. Samantalang si Gerry Ramos, gamit ang mga manok ni Mayor Nene Aguilar, ay muli na namang nakapasok sa winners’ circle.
Wala ring talo at may tig-2 puntos na sina Ramon Montiero, Col. Echeveria, Buddy Robregado, Cong. Amante, Jack Chung, Abelardo Balota, Chito Umali, Atty. Art de Castro, Ferdie Eusebio, Frank Berin, Jet at Joel Fernando, Cano Daniel, Boni Salguet, Michael Masburn, William Mamba, Butch Cambra, Rhemy Medrano, Jess Muradaz, Ka Ador Pleyto at Jessymin Raquid.
Kahapon ay muling dumagundong ang Big Dome para sa ikalawang round ng semifinals. Sumalang dito ang 80 sultada na may layong makaabot sa 4-cock grand finals.
