Bornok nagpakita ng gilas sa pagsakay

Muling naipakita ang pagiging rapid fire ng hineteng si Dominador “Bornok” Borbe Jr. sa ibabaw ng kabayong si Global Warrior nitong nagdaang Martes ng gabi sa pista ng Sta. Ana Park.

Mula sa largahan ay maganda ang naging labas ng tambalan nila, kaya naisunod kaagad sa bumanderang outstanding favorite na si Saint Tropez ni Pati Dilema.

Bago pa man dumating sa medya milya ay ginalawan na ni Bornok ang kanyang sakay dahil may kalayuan ang nasa unahan.

Papasok sa rektahan ay walang humpay nang binibuhan ni Bornok na halos lumipad na sa pagbulusok si Global Warrior dahil na rin sa haba ng mga hakbang, kaya sa huling 100 metro ay nalagpasan nila si Saint Tropez at nagwagi pa ng may tatlong kabayong agwat pagdating sa meta.

Naorasan ang nasabing karera ng 1:21.8 (07-23’-23’-27’) para sa 1.300 meters na distansiya.

ni Fred L. Magno