HATAW! D'yaryo ng Bayan hatawtabloid.com
ni HENRY T. VARGAS
DINOMINA kahapon ng mga bagong sibol na mananakbong Batang USTe na si Gregg Vincent Osorio at ng pinagmamalaking stalwart ng Davao City na si Celle Rose Jaro ang tampok na 21-kilometrong 11th Philippine Stock Exchange (PSE) Bull Run sa palibot ng Bonifacio Global City, Lungsod ng Taguig kamakalawa.
Solo-katawang tinawid ng 21 anyos na Aklanong si Osorio ang meta, sa mabilis na isang oras, 14 minutos at 34 segundong marka para sa titulo ng 11th Philippine Stock Exchange (PSE) Bull Run, samantalang walang nagawa at umupo sa pangalawang puwesto ang taga Marikina City na si Michael Bosito (1:24:13) at nasadlak sa pang-tansong slot ang banyagang si Joseph Odhuno (1:24:50).
Pinarangalan ng mga punong-abalang sina PSE Pres./CEO Hans Sicat at COO Atty. Roel Refran ang nag-reynang si Jaro (1:33:24), ang pumangalawang si Janette Lumidao (1:40:46) ng St. Claire College at si Silamie Apolistar (1:45:01) ng hagarang hinawakan AdEvents nina Maryanne Ringor at Adlai Asturiano.
Nasa Top 3 ng 10-km. Race, sina – 1. John Matthew Claveria / Luisa Raterta, 2. Reggie Lumawag / Criselyn Jaro at 3. Zeter Gonzales / Janice Tawagin at ang unang tatlo sa 5-km. Run, na sina – 1. Roland Salgado & April Rose Diaz, 2. Kristoffer Troy Sison & Mary Grace dela Torre at 3. Rey Laureta & Alyssa Marie Casaclang.
Umakyat sa pedestal ng karangalan ang 3-km. winners sa Open Category na sina – 1. Joji Pagaas / Jo Punay, 2. Rey Pulido / Vilma Sta. Ana at 3. Richie Legaspi / Maryanne Ortega, ang PSE Race Results na kinabibilangan nina Francis Medina & Merryl del Rosario, Michel Dangca & Roellaine Amores, at Pablo Fabuhat & Lelyn Elivarez sa karerang para sa promosyon ng Market Education Program ng naturang ahensiya.
Tudla nitong maitaas ang antas ng kaalaman ng madla sa kahalagahan ng pagiimpok sa pamamagitan ng economic awareness sa pag-invest sa Stock Market.
Ang Longest Distance Challenge title ay nabingwit ng BPI, 21-Team Category ang Power Puff at nasikwat ang Biggest Group Award ng DHL (Running Club), Angping & Associates (Stockbroker) at BPI (Listed Company).
