HATAW! D'yaryo ng Bayan hatawtabloid.com
ni James Ty III
ISINAMA ng world governing body ng basketball sa mundo na FIBA ang kareretiro lang na point guard ng Gilas Pilipinas at Talk n Text na si Jimmy Alapag sa Players’ Commission hanggang sa taong 2019.
Ang nasabing komisyon ay pinangungunahan ng dating sentro ng NBA na si Vlade Divac.
Naunang itinalaga ng FIBA ang pangulo ng Samahang Basketbol ng Pilipinas na si Manny V. Pangilinan sa Central Board samantalang kasama sa Medical Commission si Dr. Raul Canlas at Atty. Aga Francisco sa Legal Commission.
Sa ngayon ay inaasikaso ni Alapag ang pagiging team manager ng Tropang Texters.
Katunayan ay nasa PBA D League si Alapag kamakailan upang mag-scout ng mga manlalaro na puwedeng kunin ng TNT sa darating na PBA rookie draft.
“I’m just here to help out in scouting players but at the end of the day, coaching staff and upper management will have the final say,” wika ni Alapag.
