Ang sinungaling ay kapatid ng magnanakaw

HETO pa ang isa!

Matigas (ang mukha) na pinaninindigan ni Commission on Elections (COMELEC) retirabale chairman Sixtong este Sixto Brillantes, Jr., na dahil malapit na siyang magretiro kaya hindi na siya lumalahok sa mga deliberasyon sa poll body.

‘Yan ay sa harap mismo ng hearing sa joint congressional oversight committee (JCOC) on automated elections na nag-iimbestiga sa alegasyon ng iregularidad sa paggamit ng precinct count optical scan (PCOS) machines ng Smartmatic niya pinanindigan.

Sinabi umano ni Brillantes sa komite: “For the record, hindi na ho kami sumasali sa deliberations. Sa steering committee na. Silang apat. Kaming tatlo, medyo matatanda na kaunti. Hindi na kami sumasali (For the record, we don’t participate in deliberations anymore. It’s all in the steering committee. The four of them. We three are quite old already. We don’t participate anymore).”

Pero sa Resolution 9922 ng Comelec en banc noong December 23, inaprubahan sa pamamagitan ng 5-2 vote ang extended warranty agreement sa pagitan ng Smartmatic at Comelec para sa P300 million diagnostic inspection ng 82,000 PCOS machines.

Si Brillantes, kasama sina outgoing Commissioners Lucenito ‘sugpo’ Tagle at Elias ‘3m’ Yu-soph ay bumoto umano pabor sa kontrata, gayon din sina Christian Lim at Al Parreno. Sina Commissioners Arthur Lim at Luie Tito Guia naman ay bumoto kontra sa deal.

Ito ‘yung tinatawag na ‘midnight deal’ na binatikos ng watchdog groups, IT experts, Church and religious leaders, non government organizations, civic groups, at people’s organizations sa pagitan ng poll body at reseller na Smartma-tic.

“How can he say he was not participating anymore when the resolution showed he actively took part in the act of practically gifting Smartmatic with the entire P2-billion project package before Christmas?” ayon mismo ‘yan kay Atty. Magdamo.

Tsk tsk tsk…what the fact!?

Huling-huli na, tigas pa rin sa pagsisinunga-ling si Brillantes.

Mantakin ninyong pinagbotohan noong Disyembre 29 (2014)? E anong tawag d’yan?

Hindi ba midnight deal ‘yan, Chairman Sixtong ‘este Sixto?!        

Ang tanong nga ng mga kababayan natin, hindi man lang ba hinaplos ng mga pagdalaw ni Pope Francis ang konsensiya mo, Chairman Sixtong ‘este Sixto Brillantes Jr?!