Magdyowang tulak binistay ng 4 armado

CAMP OLIVAS, Pampanga – Agad binawian ng buhay ang mag-live-in partner makaraan pagbabarilin ng apat armadong kalalakihan kamakalawa ng umaga saPurok 6, Brgy. Cansinala, bayan ng Apalit.

Base sa ulat ni Supt. Samuel Sevilla, hepe ng Apalit Police, sa tanggapan ni Acting Central Luzon Police director, Chief Supt. Ronald Santos, kinilala ang mga biktimang sina CarolineArceo y Dalusung, 35, at Henry Dalusung y Centino, 50, parehong taga Purok 4, Brgy. Cansinala, Apalit Pampanga.

Ayon sa pulisya dakong 10 a.m. habang pauwi na ang mag-live in partner sa Brgy. Cansinala sakay ng motorsiklo, nang sabayan sila ng mga suspek at sila ay pinagbabaril.

Pagkaraan ay mabilis na tumakas ang mga suspek lulan ng dalawang motorsiklo patungong San Simon. Nabatid na ang mga biktima ay nasa target list ng pulisya sa bayan ng Apalit at Apalit bunsod ng illegal drug activities.

L. Arevalo