Stepdaughter ‘trinabaho’ ng obrero

REHAS na bakal ang hinihimas ngayon ng isang obrero nang ipakulong ng kanyang stepdaughter makaraan pagparausan ang biktima habang natutulog sa loob ng kanilang bahay kamakalawa ng madaling araw sa Caloocan City.

Kinilala ang suspek na si Floromarine Leones, 35, ng Sampalukan St., Susano Road, Brgy. Deparo ng nasabing lungsod, nahaharap sa kasong rape in relation to R.A. 7610 (Child Abuse).

Batay sa ulat ni PO3 Wency Dela Cruz, ng Women and Children Protection Desk ng Caloocan City Police, dakong 1:30 a.m. nang maganap ang insidente sa loob ng kanilang bahay sa nasabing lugar.

Salaysay ng biktimang si Belle, 15-anyos, sinamantala ng suspek na palagay na ang kanyang loob sa kinakasama ng kanyang ina kaya malayang nakapapasok sa kwarto.

Hindi akalain ng biktima na pagsasamantahan siya ng suspek.

Naaktuhan ang insidente ng isang kasama sa bahay na si Hemerson Pagobo na agad nagsumbong sa ina ng biktima.

Mabilis na humingi ng tulong sa mga pulis ang ina ng biktima na nagresulta sa pagkakadakip sa suspek.

Rommel Sales