Pinoy kabilang sa 8 missing crew (Sa tumaob na barko sa Britanya)

KABILANG ang isang Filipino sa nawawalang crew ng tumaob na barko sa karagatan ng Britanya.

Walo ang sakay ng Cypriot-registered Cemfjord, isang cargo ship na may kargang semento, na tumaob sa layong 15 milya sa Northeast ng Scotland.

Nasa 2,000 toneladang semento ang karga ng barko mula Aalborg sa Denmark papuntang Runcorn na malapit sa Britanya.

Kahapon ng umaga ay ipinagpatuloy ang paghahanap sa nawawalang crew.

Hindi pa binanggit kung sino ang Filipino crew na kabilang sa mga nawawala.