HATAW! D'yaryo ng Bayan hatawtabloid.com
PATAY ang isang lalaki habang sugatan ang kanyang angkas nang masagi ng humaharurot na van ang sinasakyan nilang motorsiklo kahapon ng madaling araw sa Caloocan City.
Agad binawian ng buhay ang biktimang si Joel Antoy, 31, 168 Tolentino St., San Francisco Del Monte, Quezon City sanhi ng pagkabasag ng bungo at bali sa katawan.
Habang ginagamot sa Manila Central University (MCU) hospital ang angkas niyang si Jose Francisco, 46-anyos, dahil sa mga sugat sa katawan.
Batay sa ulat ni PO3 Nestor Arcitio, dakong 3:50 a.m. nang maganap ang insidente sa kahabaan ng EDSA, Bagong Barrio ng nasabing lungsod.
Salaysay ng mga nakakita sa insidente, isang hindi naplakahan L-300 van ang bumangga sa likod ng minamanehong motorsiklo Rusi (for registration) ng mga biktima dahilan upang tumilapon ang dalawa na agad ikinamatay ni Antoy.
Pagkaraan ay mabilis na tumakas ang van.
Rommel Sales
