HATAW! D'yaryo ng Bayan hatawtabloid.com
KINASUHAN ng murder ng Olongapo public prosecutor si US Marine PFC Joseph Scott Pemberton, ang suspek sa pagpatay sa Filipino transgender na si Jeffrey Laude a.k.a Jennifer.
Ayon kay Olongapo Chief Prosecutor Emilie Delos Santos, nakitaan nila ng aggravating circumstances kaya iniakyat sa korte ang reklamo ng pamilya Laude.
Nakatakdang magpalabas ng warrant of arrest ang korte laban kay Pemberton na kasalukuyang nakakulong sa Camp Aguinaldo sa Quezon City.
Kinompirma ni Prosecutor Delos Santos, nai-raffle na kung kaninong judge lilitisin ang kasong murder laban kay Pemberton.
Ikinatuwa ng pamilya Laude at ng kanilang mga abogado ang naging desisyon ng public prosecutor.
