HATAW! D'yaryo ng Bayan hatawtabloid.com
ANO ang nararapat iregalo sa Pasko para sa taong halos nasa kanya na ang lahat? Kahon na walang laman.
Ang ‘You Need Nothing’ ay nagbebenta ng mga kahon na walang laman kundi plain cinder block na puti o itim ang kulay – sa halagang £27 and £106.
Ang maiipong kita mula rito ay ipagkakaloob sa Oxfam. Ang Oxfam ay samahan ng mga grupong tumutulong sa mga dukha.
Ayon sa nagdisenyo nito, ang regalo ay bilang paalala sa tatanggap nito na nasa kanya na ang lahat ng kanyang mga kailangan.
“You have everything. You need nothing” ayon sa website, na ang £27 model ay ‘sold out’na.
