HATAW! D'yaryo ng Bayan hatawtabloid.com
PATAY ang tatlo katao at isa ang bahagyang nasugatan makaraan banggain ng trailer truck ang delivery van sa intersection ng CAVITEX at Marina Road, Parañaque City.
Ayon kay Cavitex Traffic Investigator Jose Gallego, tatawid sa traffic light ang delivery van (UCM 612) nang habulin ng trailer truck (RAC 240) ang red light.
Batay sa body markings, pag-aari ang truck ng RMCE Metal Products Trailer.
Ayon kay Gallego, sa lakas ng pagkakabangga, tumilapon ang driver at ang pahinante ng delivery van.
Bumangga pa ang trailer truck sa railings ng expressway habang nawasak ang delivery van.
Dinala ang pahinante ng trailer truck sa St. Dominic Hospital habang ang tatlo ay isinugod sa Ospital ng Parañaque ngunit hindi na umabot nang buhay.
Ang labi ng tatlo ay inilipat na sa Amigo Funeral Homes.
