Matteo, ‘di raw totoong binibigyan ng load si Sarah

HINDI raw sina Matteo Guidicelli at Sarah Geronimo ang tinutukoy sa blind item na nagsasabing ipina-prepaid daw ng ina ang mobile nito para malimitahan ang pagtawag sa boyfriend kaya naman ang BF na ang nagbibigay ng load sa dalaga.

Ani Matteo, sakali mang binibigyan niya ng load si Sarah, wala sigurong masama iyon. Pero itinanggi niyang ginagawa niya iyon at sila ang tinutukoy sa blind item.

”If if it’s true, I’ll say it’s true no, it’s not true, hindi totoo,” ani Matteo nang makausap ito sa presscon ng Shake, Rattle & Roll XV ng Regal Entertainment Inc. na entry sa2014 MMFF.

Sinabi pa ni Matteo na hindi naman sila pinagbabawalang mag-usap ni Sarah ng ina nitong si Mommy Divine.

Si Matteo ay kasama sa episode na Flight 666 ng SR&R XV with Lovi Poe at Daniel Matsunaga under the direction of Perci Intalan. Kasama rin dito sina JC De Vera atErich Gonzales para sa Ahas episode na idinirehe ni Dondon Santos at Dennis Trilloat Carla Abellana sa Ulam episode na idinirehe naman ni Jerrold Tarog. Mapapanood na ang SR&R XV sa Dec. 25.

ni Maricris Valdez Nicasio