HATAW! D'yaryo ng Bayan hatawtabloid.com
SUGATAN ng isang babae makaraan saksakin ng basag ng bote ng kainomang kapwa babae nang magtalo dahil sa selos kahapon ng madaling-araw sa Malabon City.
Ginagamot sa Jose Reyes Memorial Medical Center ang biktimang si Diane Castro, 28, may live-in partner, walang trabaho, ng Pinagsabugan St., Brgy. Longos ng nasabing lungsod.
Habang arestado sa follow-up operation ang suspek na si Mica Reyes, 28, kalugar ng biktima.
Batay sa ulat ni PO2 Benjamin Sy Jr., dakong 3:30 a.m. nang maganap ang insidente sa harap ng bahay ng biktima sa nasabing lugar.
Ayon sa ulat, nag-iinoman ang dalawa nang maungkat ang isyung nilalandi ni Reyes ang kinakasama ni Castro.
Humantong ito sa mainitang pagtatalo hanggang sa damputin ni Reyes ang bote ng alak, binasag ito at sinaksak sa likod ang biktima.
Rommel Sales
