HATAW! D'yaryo ng Bayan hatawtabloid.com
KAPWA nasa kritikal na kalagayan sa pagamutan ang dalawang lalaking magkapitbahay makaraan magsaksakann kamakalawa ng hapon sa Malabon City.
Nilalapatan ng lunas sa Tondo Medical Center sina Antonio Duenog, 45, residente ng 127 Sto. Niño St., Brgy. Concepcion, at Ronald Pampula, 26, ng nasabi ring lugar.
Batay sa ulat ni PO3 Rommel Habig, dakong 4:30 p.m. nang maganap ang insidente sa harap ng bahay ni Duenog sa nasabing lugar.
Nakaupo si Duenog habang nagkakape sa harap ng kanyang bahay nang dumating si Pampula na armado ng patalim at sinaksak siya sa likod.
Kahit duguan ay mabilis na kumuha si Duenog ng patalim sa kanilang bahay at hinabol ng saksak si Pampula.
Nauna rito, sinuntok ni Duenog si Michael dela Paz na kaibigan ni Pampula.
Bilang ganti ay sinugod ng saksak ni Pampula si Duenog.
Gayonman ay agad nakakuha ng patalim si Duenog kaya nasaksak din niya si Pampula.
Rommel Sales
