Panaginip mo, Interpret ko: Na-amnesia sa panaginip

Ello po Señor H,

Nanagnip aq about s crush q then about amnesia d q lng po sure talaga kng amnesia ang dahil kya d q maalala yung ibang bagay ganun po yung dream ko. S totoo, medyo magulo at yung iba detalye, d q n rn msyado mtandaan, pakibgyan naman ako ng meaning nung pnagnip q… slamat.. dnt post my cp….

To Anonymous,

Ang bungang-tulog na ganito ay nagpapakita ng literal na repleksiyon ng iyong atraksiyon sa taong crush mo. Normal lang ang ganitong bagay na mapanaginipan ang iyong crush, dahil kung laging laman siya ng iyong isipan, natural na napakalaki ng posibilidad na mapanaginipan mo siya.

Kung naging maganda ang tema ng panaginip mo sa iyong crush, maaaring pahiwatig din ito sa iyo na ngayon na ang tamang panahon na ligawan ang iyong crush, kung ganoon talaga kalalim ang feelings mo para sa kanya. Kung babae ka naman at nahihiyang manligaw, maaaring pahiwatig ito na dapat mo nang resolbahin ang isyu ukol sa taong crush mo para makapag-move-on ka na.

Kapag naman nanaginip ka na mayroong amnesia, ito ay nagsasaad na sinusubukan mong harangin ang rejected at negatibong aspeto ng iyong sarili o pagkatao. Nagsasabi rin ito ng takot sa maaaring idulot ng mga pagbabagong posibleng maganap sa iyong buhay. Subalit hindi ka dapat matakot sa mga pagbabago, lalo na kung positibo ang epekto nito sa iyo at kontrolado mo naman ang iyong buhay at kapalaran.

Señor H.