P.5-M pabuya sa gumahasa at pumatay sa 14-anyos (Sa Bataan)

NAGLAAN ng P500,000 pabuya ang lokal na pamahalaan at isang pribadong sektor para sa ikadarakip ng pumatay sa 14-anyos dalagita sa Mariveles, Bataan.

Matatandaan, Nobyembre 20 nang matagpuan ang sunog na bangkay ng biktima sa Brgy. Balon Anito.

Sinasabing ginahasa ang dalagita bago pinaslang. Nitong Martes, inilibing na ang biktima.

Sa hangaring mahuli na ang mga salarin, naglaan ng P300,000 ang lokal na pamahalaan ng Mariveles.

Habang P200,000 ang inialok ng isang pribadong sektor. Ngunit binigyan lamang nito ng limang araw ang pulisya para lutasin ang kaso.