HATAW! D'yaryo ng Bayan hatawtabloid.com
NATULAN ng habambuhay na pagkabilanggo si Staff Sgt. Walter Candelaria ng Presidential Security Group (PSG), dahil sa panghahalay sa isang 16-anyos dalagita noong 2011.
Si Candelaria ay ‘guilty’ sa mga kasong paglabag sa RA 9208 o qualified trafficking in person at RA 7610 o Child Abuse.
Habambuhay din pagkabilanggo ang hatol kay Brgy. San Miguel Chairman Angel Murillo dahil sa kasong child trafficking.
Ang desisyon ay inilabas ni Presiding Judge Emily Gaspar Gito ng Manila Regional Trial Court (RTC) Branch 5.
Ayon sa record ng korte, ginahasa ni Candelaria ang 16-anyos dalagita sa loob mismo ng PSG barracks.
Batay sa reklamo ng dalagita, dakong 11:30 p.m. noong Hunyo 21, 2011 nang lapitan siya ni Murillo at ibinugaw sa tatlong PSG na kasama niya kabilang na si Candelaria.
Pilit aniya siyang isinakay ng kotse at dinala sa barracks ng mga PSG at doon hinalay ni Candelaria.
