HATAW! D'yaryo ng Bayan hatawtabloid.com
NAMATAY noon din sa pinangyarihan ng krimen ang isang 53-anyos negosyante makaraan pagbabarilin ng apat kalalakihan na lulan ng isang kotse sa harap ng isang supermarket sa Brgy. Sta. Cruz, Guiguinto, Bulacan, kamakalawa ng gabi.
Tadtad nang tama ng bala ang biktimang kinilalang si Romualdo dela Cruz, residente ng Brgy. Bagong Barrio, sa bayan ng Pandi, Bulacan.
Ayon sa inisyal na ulat ng pulisya, pasakay sa itim na Mitsubishi Pajero ang biktima dakong 7 p.m. makaraan dumalo sa meeting sa isang restaurant, nang lapitan ng mga suspek at pinagbabaril.
Pagkaraan ay tumakas ang mga suspek lulan ng isang kotse na hindi naplakahan.
Ayon sa pulisya, posibleng tungkol sa negosyo ang motibo sa krimen.
Daisy Medina
