HATAW! D'yaryo ng Bayan hatawtabloid.com
NAGBABALA ang Makati City Police sa mga kababaihan na mag-ingat kapag nag-iisa lalo na kung may nag-aalok na sumakay sa sasakyang van.
Isang babaeng call center agent ang muntik nang dukutin ng dalawang lalaking sakay sa isang puting van kamakailan .
Sa record ng police blotter, nagtungo sa himpilan ng pulisya si ‘Olive’ ng Bulacan, upang ireklamo ang nangyaring insidente.
Sa pahayag ni ‘Olive’ sa Complaint Desk ng Makati City Police, dakong 4 p.m. nitong Sabado nang maganap ang insidente sa Hotel Drive, Ayala Center, Brgy. San Lorenzo Village ng lungsod.
Aniya, naglalakad siya nang lumapit sa kanya ang mga suspek na sakay ng van na hindi naplakahan, at inalok siyang sumakay.
Tiyempong nagpa-patrolya ang isang gwardiya na namataan ang naturang van at ang mga suspek kaya agad niyang sinita.
Bunsod nito, mabilis na sumakay ang mga suspek at pinasibad ang van.
Jaja Garcia
