Number 4 malas na numero?

ANG number 4 ay ikinokonsiderang malas sa traditional Chinese feng shui dahil ito ay katunog ng “death” sa Cantonese. Dahil dito, mauunawaan natin kung bakit ang number 4 ay ikinokonsiderang hindi maswerte sa Chinese feng shui circles.

Gayunman, ang 4 ay hindi bad number. Ang number 4 ay numero na may malakas na grounding energy, tuturuan ka nito ng aral na iyong kailangan upang ikaw ay sumulong sa iyong buhay. Mayroon tayong 4 seasons, 4 directions, hindi natin ito ikinokonsiderang malas, di ba?

Maliban na lamang kung gumagamit ka ng Cantoneses araw-araw, walang dapat ipag-alala rito. Maaari mong bilugan ng color red ang nasabing numero, ito ay feng shui cure.

Kung sakali mang hindi naging maganda ang buhay ng dating nakatira sa bahay na may numero 4 na inyong lilipatan, magsagawa ng strong energy clearing (feng shui space clearing and smudging, etc).

ni Lady Choi