Cannibal naaktohan sa South Wales

Kinalap ni Tracy Cabrera

KINOMPRONTA ng British police ang isang lalaking tinatangkang kainin ang mata at mukha ng isang babae at ginamitan ng stun gun bago namatay ang sinasabing cannibal, binanggit ng lokal na media mula sa salaysay ng mga testigo.

Inihayag ng mga awtoridad na patay na ang babae nang makita sa eksena kaya nagsasagawa na ngayon ng imbestigasyon sa kasong murder.

Ayon sa pulisya, ini-report sa kanila ang insidente sa isang hostel sa kaba-yanan ng Argoed sa South Wales matapos ang ulat ukol sa isang lalaki na sumalakay sa isang babae.

Nadiskubre ng security staff sa Sirhowy Arms ang 34-anyos na suspek, na kalalaya lang mula sa bilangguan, na kinakain ang isang babae, na pinaniniwalaang ang kanyang 22-anyos girlfriend.

Binaril ng mga nagrespondeng pulis ang suspek gamit ang Taser stun gun. Nawalan ng malay at naging unresponsive hanggang bawian ng buhay.

Maraming detalye sa insidente ang hindi pa nalilinaw ng mga awtoridad.

“Nag-Hannibal Lecter siya doon sa babae, dinukot niya iyong mata saka kinain, pati kalahati ng mukha ng biktima,” pagsasalarawan ng testigong si Lyn Beasley sa South Wales Evening Post.