Bombay todas sa ambush

PATAY ang isang Indian national makaraan pagbabarilin ng hindi nakilalang suspek habang sakay ng motorsiklo kamakalawa ng hapon sa Caloocan City.

Hindi na umabot nang buhay sa Commonwealth Hospital ang biktimang si Sukhdev Singh, 53, ng Kulambo St., Brgy. 174 Urduja, ng nasabing lungsod, sanhi ng mga tama ng bala ng hindi nabatid na kalibre ng baril sa iba’t ibang bahagi ng katawan.

Habang pinaghahanap ang suspek na kinilalang si Albert Escamilla, mabilis na tumakas.

Batay sa ulat ni PO2 Mark Andrew Bartolome, dakong 2:30 p.m. nang maganap ang insidente sa Silver St. ng nasabing barangay.

Biglang sumulpot ang suspek at pinagbabaril ang biktimang lulan ng motorsiklo.

Rommel Sales