Union prexy ng JAC Liner arestado sa shabu (Tulak ng droga sa drivers?)

NAARESTO ng mga operatiba ng Quezon City Police District – District Anti-Illegal Drug (QCPD) ang terminal master at presidente ng JAC Liner’s Drivers and Conductors Union, sa drug bust operation kahapon ng hapon sa nasabing lungsod.

Sa ulat kay Sr. Supt. Joel Pagdilao, QCPD Director, kinilala ang nadakip na si Noel Falorina, terminal master ng JAC Liner sa EDSA, Brgy. kamuning, Quezon City.

Ayona kay Pagdilao, si Falorina ay nadakip ng mga tauhan ng DAID sa pangunguna ni Sr. Insp. Robertto Razon, dakong 3:30 p.m. nang dakmain nila ang suspek makaraan bentahan ng shabu ang isang pulis na nagpanggap na buyer.

Habang isinusulat ang balita, hindi pa masabi kung magkano ang halaga ng gramo-gramong shabu na nakompiska sa suspek.

Inaalam pa ng pulisya kung sinusuplayan ni Forina ng shabu ang mga driver ng JAC Liner.

(ALMAR DANGUILAN)