P1.6-M shabu nasabat sa drug ops sa Ormoc (11 katao arestado)

KOMPISKADO sa buy bust operations ng Philippine Drug Enforcement Agency (PDEA) ang P1.6 milyong halaga ng hinihinalang shabu sa drug den sa Brgy. Tambulilid, Ormoc City kamakalawa.

Kabilang sa nakompiska ang 16 maliliit na sachet ng droga, tatlong malalaking pakete, digital na timbangan at mga gamit sa pagre-repack ng shabu.

Arestado ang 11 suspek kabilang na ang isang babae, 69-anyos lalaki, tatlong minor-de-edad at isang special child.

Habang nakatakas ang may-ari ng bahay na nagsisilbing drug den maging ang mga nagpa-pot session at trabahador dito.