HATAW! D'yaryo ng Bayan hatawtabloid.com
SINALUBONG ni Presidential sister Kris Aquino si Mexican President Enrique Peña Nieto nang lumapag ang sinasakyan niyang eroplano sa Villamor Airbase.
Nanatili ang pangulo ng dalawang oras para magkarga ng langis sa kanilang eroplano bago tumulak pa-Australia para dumalo sa G20 Summit.
Si Kris ang inatasan ni Pangulong Benigno “Noynoy” Aquino III na mag-asikaso sa Pangulo ng Mexico dahil nasa biyahe pa ang presidente mula sa Myanmar nang dumating sa bansa si Nieto at asawang si Angelica Rivera.
Kwento ni Kris sa kanyang Instagram account, nanatili sa eroplano ang Mexican First Lady dahil masama ang pakiramdam.
Ani Queen of All Media, malaking karangalan para sa kanya ang salubungin ang grupo ni Nieto.
