Marvin, kabado sa bedscene nila ni Jolina

HINDI itinanggi ni Marvin Agustin na kabado siya sa bed scene nila ni Jolina Magdangal na mapapanood sa Flordeliza ng ABS-CBN2.

First time kasing magkaroon ng bed scene nina Marvin at Jolina simula nang maging loveteam ang dalawa. ”Basta may scene sa kama, bed scene na ‘yun. Magkukuwentuhan lang kami roon.”

Tiniyak naman ni Marvin sa asawa ni Jolina na si Mark Escueta na inalagaan niya ang aktres sa naturang tagpo.

Napag-alaman naming fan pala si Mark ng loveteam nina Jolens at Marvin kaya excited din ito sa muling pagsasama ng dalawa.

Samantala, malapit nang mapanood sa ABS-CBN ang pinakabagong obra maestrang pantelebisyon, ang family drama series na Flordeliza na magtatampok sa loveteam nina Jolens at Marvin.s

Ang serye ay kuwento ng dalawang pamilya. Sesentro ito sa dalawang nanay at dalawang bata na pagbubuklurin ng pagmamahal at paglalayuin ng isang malungkot na katotohanan.

Bahagi rin ng Flordeliza cast sina Carlo Aquino, Elizabeth Oropesa, Tetchie Agbayani, at Juan Rodrigo. Ito ay ididirehe ni Wenn Deramas katulong si Tots Sanchez-Mariscal IV.

ni Maricris Valdez Nicasio