Wanted sa carnapping tiklo sa Makati

ARESTADO ng pulisya ang sinasabing wanted dahil sa paglabag sa Republic Act 6539 (Anti-Carnapping) kamakalawa sa Makati City.

Nakakulong ngayon ang suspek na si Jose Guillermo Navarro, nasa hustong gulang, ng Brgy. La Paz ,ng naturang lungsod.

Base sa natanggap na ulat ni Makati City Police chief, Sr. Supt. Ernesto Barlam, dakong 2 p.m. nang maaresto ng mga kagawad ng Warrant and Subpoena Section si Navarro sa panulukan ng ABC at Pablo Ocampo Streets, Brgy. La Paz ng naturang siyudad.

Ang suspek ay inaresto sa bisa ng warrant of arrest na inisyu ng Makati City Regional Trial Court (RTC), Branch 66 dahil sa paglabag sa R.A. 6539.

Si Navarro ay matagal nang pinaghahanap ng pulisya at natiyempohan dahil sa isinagawang ‘Oplan Galugad’ laban sa itinuturing na wanted person ng lipunan.

Jaja Garcia