HATAW! D'yaryo ng Bayan hatawtabloid.com
SINAMPAHAN ng kasong murder ang isang Chinese national makaraan mapatay ang kanyang lover na Chinese businesswoman kamakalawa ng umaga sa Tondo, Maynila.
Kinilala ni SPO2 Jonathan Bautista ang suspek na si Benson Uy, 66-anyos, agad naaresto ng mga awtoridad.
Narekober ng pulisya mula sa suspek ang .45 kalibre baril na ginamit sa pagpatay sa biktimang si Jenny Lu, 42, may-asawa, at may-ari ng Lucky Power Glassware sa 459 Elcano St., panulukan ng Claro M. Recto Avenue, Tondo, at nanunuluyan sa 829 KP Tower sa Elcano St., sa Binondo, Maynila.
“Hindi pwedeng maging homicide kasi plinano niya dahil bago mangyari ‘yung pamamaril nakita siya sa labas ng tindahan na naninigarilyo pagkatapos pumasok siya sa tindahan pero bago iyon nakita na sinesenyasan ng biktima ‘yung suspek na umalis,” ayon kay SPO2 Bautista.
Nang pumasok ang suspek ay nagsalita ng wikang Chinese ang biktima at binato ng tsinelas ngunit bumunot ng baril ang salarin at pinaputukan ang ginang.
Leonard Basilio
