Ulo at ari ng bangkay hinahanap (Para makilala ang biktima)

CEBU CITY – Pahirapan ang paghahanap sa pugot na ulo at pinutol na ari ng biktimang itinapon sa liblib na lugar sa Brgy. Biga, lungsod ng Cebu.

Ayon kay Supt. Ricky Delilis ng Toldedo City Police Station, nanatiling blanko ang imbestigasyon kaugnay sa nangyaring pagpatay at pagdispatsa sa bangkay ng biktima.

Sinabi ni Delilis, walang saksi sa krimen at wala pa rin kumukuha sa bangkay na walang ulo at walang ari na nakalagak ngayon sa punerarya.

Inihayag ng mga awtoridad, importanteng matunton ang pugot na ulo ng biktima upang makilala.

Sa ngayon, tanging marka mula sa biktima ang cobrang tattoo sa dibdib.

May teorya ang pulis-ya na posibleng love triangle ang motibo sa pagpaslang dahil malubhang pinutol ang ari at pinugutan ng ulo.

Kamakalawa ng uma-ga nang matagpuan ng isang ginang ang bang-kay na walang ulo at walang ari sa isang sulok habang papunta siya sa dam para manghuli ng isda.