HATAW! D'yaryo ng Bayan hatawtabloid.com
PAGKATAPOS na makamit ang Grand Slam noong huling PBA season, unti-unting nararamdaman ng Purefoods Star Hotdog ang kahirapang makipagsabayan sa kompetisyon.
Ito’y tahasang pag-aamin ni coach Tim Cone pagkatapos na matalo uli ang Hotshots, 87-80, kontra San Miguel Beer noong Linggo.
Dalawang sunod na pagkatalo na ang nalasap ng dating San Mig Coffee Mixers na naunang tinambakan ng Alaska, 93-73.
May pilay ang tatlong pambato ng Purefoods na sina James Yap, Marc Pingris at Ian Sangalang ngunit para kay Cone, mas mahalagang aral ang dapat matuto ng kanyang tropa.
Balik-aksyon si Pingris sa susunod na laro ng Purefoods kontra Globalport sa Biyernes habang sasalang sa check up si Yap para sa kanyang pilay.
(James Ty III)
