HATAW! D'yaryo ng Bayan hatawtabloid.com
DALAWA ang patay at 35 ang sugatan sa banggaan ng dalawang trak sa Maharlika Highway, Brgy. Palestina, Pili, Camarines Sur kamakalawa.
Hindi na umabot nang buhay ang biktimang si Obol Ortiz. Namatay habang ginagamot sa ospital si Armando Requerque.
Sa imbestigasyon ng pulisya, galing sa kasalan sa Albay ang forward truck na sinasak-yan ng dalawang namatay at 35 pang pasahero nang mabangga ng tractor truck mula sa likuran.
Sa lakas ng pagbangga, tumilapon sa kalsada ang ilang pasahero na agad dinala sa Bicol Medical Center sa Naga City.
Hawak na ng mga pulis ang driver ng nakabanggang trak na si Howard Calingasan, 25-anyos.
