Senglot nalaglag sa hagdan, tigok

BINAWIAN ng buhay ang isang 40-anyos delivery checker nang malaglag sa hagdanan sa loob ng Pritil Market habang  bumaba kamakalawa nang hapon sa Zamora St., Tondo, Maynila.

Namatay noon din ang biktimang kinilalang si Marco Gabreno, ng Blk.12-A, Lot 11, Phase 2, Area 3, Dagat-dagatan, Malabon City.

Sa imbestigasyon ni SPO3 Rodelio Lingcong, naganap ang insidente dakong 5 p.m. sa loob ng nabanggit na palengke.

“Nakita no’ng dalawang tindera na lasing na lasing at bumababa sa hagdan nang malaglag,” ayon kay Lingcong.

Agad dinaluhan ang biktima ng mga saksing sina Raymond Santiago at Marlon Delos Santos ngunit hindi na gumagalaw si Gabreno.

Leonard Basilio