HATAW! D'yaryo ng Bayan hatawtabloid.com
BUTUAN CITY – Isa ang patay habang dalawa ang sugatan nang pagbabarilin ang bahay ng kapitan sa Brgy. San Lorenzo, bayan ng Prosperidad sa lalawigan ng Agusan del Sur kamakalawa ng gabi.
Ayon kay Insp. Felomino Muñoz, ang nasabing insidente ay nagresulta sa pagkakasugat ni Kapitan Alejandro Dumagit at anak na si Elyjean, habang namatay ang isa pa niyang anak na si Aldrin, 19, pawang ng Purok 5 ng Brgy. San Lorenzo.
Dagdag pa ng opisyal, tatlong bahay ang nirapido ng tinatayang pitong armadong lalaki ngunit ang bahay ni Kapitan Alejandro Dumagit ang maraming tama ng bala kung kaya’t pinaghihinalaang ito talaga ang target ng strafing incident.
Gumamit ng M16 armalite rifles batay sa narekober na basyo, ang mga suspek na mabilis na tumakas sa bukiring bahagi ng naturang lugar.
