HATAW! D'yaryo ng Bayan hatawtabloid.com
NAGKAHARAP sa preliminary investigation kahapon sa Department of Justice ang kampo ng pamilya ng pinaslang na international car racing champion na si Enzo Pastor at ang kampo ng tinaguriang mastermind sa pagpatay na si Dominggo “Sandy” De Guzman III.
Ngunit hindi pa rin nagpapakita ang biyuda ni Enzo na si Dalia Pastor na suspek din sa krimen at hindi rin nagsumite ng kanyang counter affidavit.
Ayon sa abogado, hindi na kailangang magsumite pa si Dalia dahil hindi niya kailangang dumipensa.
Samantala, tulad ng inaasahan, todo-tanggi sa krimen ang negosyanteng si De Guzman.
Iginiit niyang set-up lamang ang pagkaka-aresto sa kanya at ang mga ibinintang sa kanya ng gunman na si PO2 Edgar Angel ay imahinasyon lamang ng pulisya.
Binigyang diin din ni De Guzman na ang alegasyong may relasyon sila ni Dalia ay hindi rin maaaring patunay na may sabwatan sa krimen.
Hunyo ng taon kasalukuyan nang pagbabarilin ng riding in tandem si Pastor sa bahagi ng Quezon City habang nagmamaneho ng truck lulan ang kanyang racing car.
