Rosario pumirma na sa Hapee

ISINAMA na sa lineup ng Hapee Toothpaste ang sentro ng National University na si Troy Rosario.

Makakasama ni Rosario sina Ola Adeogun at Arnold Van Opstal sa pagdomina sa ilalim para sa Fresh Fighters sa kampanya nila sa PBA D League Aspirants Cup na magsisimula sa darating na Lunes sa Ynares Sports Arena sa Pasig.

Isa si Rosario sa mga tumulong sa National University Bulldogs na magkampeon sa UAAP kamakailan lang.

Inaasahang magiging team-to-beat ang Hapee dahil sa dami nilang mga pambatong manlalaro tulad nina Rosario, Adeogun, Van Opstal, Bobby Ray Parks, Garvo Lanete, Kirk Long, Baser Amer, Art de la Cruz, Chris Newsome, Nico Elorde at Earl Thompson na napiling MVP ng NCAA kamakailan.

James Ty III