HATAW! D'yaryo ng Bayan hatawtabloid.com
KRITIKAL ang kalagayan ng isang 19-anyos binatilyo makaraan pagtulungang bugbugin at saksakin ng isang grupo ng kabataan habang inihahatid ang kanyang kasintahan kamakalawa ng hapon sa Malabon City.
Ginagamot sa Tondo Medical Center ang biktimang si Julas Saldasal, residente ng 118 Valdez St., Brgy. 21, Caloocan City.
Sa ulat ni PO2 Roldan Angeles, dakong 4 p.m. nang maganap ang insidente sa Governor Pascual Avenue ng nasabing lungsod.
nihahatid ng biktima ang kanyang kasintahan mula sa pagsisimba ngunit pagsapit sa na-sabing lugar ay sinalubong sila ng isang grupo ng mga kabataan at kinuyog ang binatilyo.
Isa sa mga suspek ang bumunot ng patalim at tatlong beses na sinaksak ang biktima sa likod saka mabilis na tumakas ang mga salarin.
Rommel Sales
