Pinto at bintana naging regalo

Gud pm sir H,
S panagnip ko po, nghahanap ako ng pinto o bintana, pero d ko mkita, ang nahanap ko po ay regalo, wat kya interpretation nio d2? Ako c kit from pasay city, Ty po, wag nio n lang sna lgay cell # ko po..

To Kit,
Ang pinto sa panaginip ay may kaugnayan sa mga bagong oportunidad na maaaring dumating sa iyo. Ito ay posibleng nagsasabi, lalo na kung papasok ka sa pinto, na ikaw ay nasa bagong stage ng iyong buhay at umaangat ka sa isang level ng consciousness. Ang bukas na pinto ay nagsasaad din ng receptiveness at willingness upang tanggapin ang mga bagong idea. Kung may nakitang liwanag sa likod ng pinto, nagsasabi ito ng pagtungo sa mas maliwanag na kamalayan at ispiritwalidad. Kung sarado naman ang pinto, may kaugnayan ito sa mga pagkakataon na na-deny sa iyo o na-miss mo dahil mayroong bagay o tao na hinaharang ang iyong pag-unlad. Kaya dapat kang maging alisto at mag-ingat sa ganitong klase ng tao.
Ang ukol sa bintana, ito’y may kaugnayan sa bright hopes, vast possibilities and insight. Maaaring may kaugnayan din ito sa outlook sa buhay, pati na ang ukol sa intuition and awareness. Posibleng hinggil din ang ganitong bungang-tulog sa hinahanap na mahalagang desisyon o soul searching.
Kapag nanaginip ng regalo para sa iyo, ito ay nagsasabi na ikaw ay binibigyan ng reward at pagkilala dahil sa iyong magagandang katangian. Ikaw ay tinitingala ng mga nakapaligid o malalapit sa iyo. Sakali namang nakatanggap ka ng regalong hindi angkop sa iyo, ito ay nagsasaaad na hindi ka welcome sa ibang tao, lalo na sa nagbigay ng regalo at ang hindi magandang katangian ay mae-expose. Maaari rin namang may kaugnayan ito sa unexpected failure.
Señor H.