85-anyos lola ginahasa ng 22-anyos senglot

ROXAS CITY-Nadakip sa akto ang isang 22-anyos lalaki habang pinagsasamantalahan ang isang 85-anyos lola sa Brgy. Libas Roxas, City kamakalawa.

Nasaksihan mismo ng apo at anak ng biktimang si Clarita Barroa ang panghahalay ng suspek na si Christy Arollado sa matanda.
Ayon kay Barangay Kagawad Renante Araw-araw, nadatnan ng mga kamag-anak ng biktima na nakapatong sa matanda ang lalaki na nasa tuhod na ang short pants at brief.

Agad dinala sa ospital si Barroa habang ang lasing na si Arrolado ay dinakip ng mga opisyal ng barangay at dinala sa himpilan ng pulisya.

Napag-alaman, ulyanin at mabagal nang kumilos ang biktima bunsod nang katandaan.