Ulo ng anak minaso ng ama (Parehong senglot)

ROXAS CITY – Patay ang isang lalaki makaraan pukpukin ng maso ng sariling ama sa Brgy. Quiajo President, Roxas Capiz kamakalawa.

Ayon sa pulisya, magkasamang umiinom ng alak ang biktimang si Rocky Bayis at ama niyang suspek na si Raul Bayis sa kanilang bahay.

Sa hindi malamang dahilan, pinagbantaan ni Rocky ang ama na papatayin kapag natutulog na ang suspek.

Pagkaraan ay kinuha ng suspek ang maso at ipinukpok sa ulo nang natutulog na anak hanggang malagutan ng hininga.