HATAW! D'yaryo ng Bayan hatawtabloid.com
NILALAPATAN ng lunas sa Mary Jhonston Hospital ang isang 16-anyos roomboy makaraan barilin ng dalawang holdaper sa loob ng isang hotel sa Tondo, Maynila kahapon ng madaling-araw.
Kinilala ang biktimang si Ariel Montemayor, roomboy, stay-in sa Asakuma Hotel Manila sa 1331 Rica Fort Street kanto ng N. Zamora Street, Tondo.
Ayon kay PO3 Rowel Candelario, dakong 4:10 a.m. nang pumasok ang dalawang suspek sa hotel.
Napasigaw ang biktima nang makitang tinututukan ng baril ng suspek ang kanilang kahera at nakatawag ng pansin sa security guard.
Bunsod nito, binaril ng dalawang suspek ang biktima. Habang mabilis na nagresponde ang gwardiya at nakipagpalitan ng putok sa mga suspek.
Nakatakas ang mga suspek ngunit walang nakuhang pera sa kahera. (LEONARD BASILIO)
