Manyak itinumba ng utol ng rape victim

PATAY noon din ang isang lalaki makaraan pagbabarilin ng riding-in tandem sa Quezon City kahapon ng umaga.

Sa ulat kay Sr. Supt. Joel Pagdilao, QCPD director, kinilala ang napatay sa pamamagitan ng driver’s license na si Ruel Opelanos ng P. Guevarra St., San Juan City.

Sa imbestigasyon, nakatayo ang biktima sa Driod St., Brgy. Kaunlaran, Cubao, Quezon City nang sumulpot ang dalawang suspek na magkaangkas sa motorsiklo at pinagbabaril si Opelanos.

Inaalam pa ng pulisya kung totoong paghihiganti ang motibo sa krimen makaraan marinig ng ilang mga saksi na sumigaw ang isa sa mga suspek ng “Ginahasa niya ang kapatid kong babae kaya ko siya binaril.”

(ALMAR DANGUILAN)