Lady snatcher timbog sa MASA

ARESTADO ang isang 29-anyos babaeng snatcher makaraan hablutin ang cellphone ng isang estudyante habang naglalakad sa Ermita, Maynila kamakalawa.

Kasong robbery snatching ang isinampang kaso sa suspek na si Myra Sy, walang trabaho, ng Coral Street, Tondo, makaraan ireklamo ng biktimang si Sherry Mae Calma, 18, estudyante ng Unibersidad De Manila (UDM), residente ng Mariones St., Tondo.

Sa imbestigasyon ni Chief Inpector Bernabe Adora Irinco Jr., hepe ng Manila Action Special Assignment (MASA,) dakong 11:30 a.m. nang maganap ang insidente sa nasabing lugar.

Naglalakad at nagte-text ang biktima nang biglang sumulpot ang suspek at inagaw ang cellphone ng estudyante.

Tiyempong nakita ng tauhan ng Manila Traffic Parking Bureau (MTPB) ang insidente na nagresulta sa pagkakadakip sa suspek ngunit hindi na narekober ang cellphone na posibleng naipasa na sa iba.

(LEONARD BASILIO)