HATAW! D'yaryo ng Bayan hatawtabloid.com
GOOD news: Nakalabas na po sa Makati Medical Center si Airport Police Officer (APO) Nilda Collantes.
‘Yan po ay sa malaking tulong ni Manila International Airport Authority (MIAA) General Manager Jose Angel Honrado.
Si Ms. Collantes ang APO na aksidenteng natipalok sa Ninoy Aquino International Airport (NAIA) terminal 3 at nabalian ng buto habang papunta sa Pasay City para ipa-inquest ang isang suspek.
Pero dahil nga sa pagkakatipalok, sa ospital idineretso si Ms. Collantes at doon siya inoperahan. Umabot sa P200,000 plus ang kanyang bill.
Maraming procedure ang ginawa kay Collantes, kinapos ang MIAA Health Card ng pasyente na mayroon lamang P50,000 coverage (Value Care Card).
Sa pagkakataong ito, humingi tayo ng tulong at si APO Collantes kay GM Bodet Honrado dahil sa kapos pa rin ang nai-produce ang bill sa ospital.
Hindi naman nabigo si APO Collantes, bukod sa loan na nakuha niya sa kanilang provident fund ‘e nabigyan pa siya ng personal na tulong ni GM Honrado.
Hindi na po natin babanggitin kung magkano pero iisa lang po ang napatunayan natin … naoperahan man si GM Honrado last year ay nanatili pa rin ang soft spot sa kanyang puso lalo na kung pagtulong sa kapwa ang pag-uusapan.
‘Yan na raw ang pinakamagandang regalong natanggap ni APO Collantes sa 30 taon pagtatrabaho niya sa NAIA.
Muli, maraming salamat GM Bodet Honrado…Diyos na ang bahalang gumanti sa kabutihang loob ninyo.
Mabuhay ka!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
