HATAW! D'yaryo ng Bayan hatawtabloid.com
MAKARAAN ang halos 24-oras, narekober ang bangkay ng 7-anyos batang lalaking nalunod sa isang creek nang habulin ang kanyang bola sa Marikina City.
Kinilala ni S/Supt. Vincent Calanoga, hepe ng Marikina City Police, ang biktimang si Mark Raven Villanueva, nakatira sa Park-22, Police Village, Gen. Ordoñez, Concepcion-Uno ng lungsod.
Sa imbestigasyon ng mga pulis, dakong 1 p.m. kamakalawa nang lusungin ng biktima ang creek para kunin ang nahulog na bola.
Ngunit hindi na siya lumutang kaya’t humingi ng saklolo sa mga awtoridad at Rescue-161 ang ama niyang si Marlon at magdamag na sinuyod ang nabanggit na creek.
Dakong 10 a.m. kahapon nang lumutang ang bangkay ng biktima sa Marikina River sa Brgy. Dela Peña nang lungsod.
(ED MORENO)
